Does dim rhaid i chi fod yn cysgu ar y stryd i fod yn ddigartref.

Hyd yn oed os oes gennych do uwch eich pen gallwch ddal i fod yn ddigartref. Efallai eich bod yn cysgu ar soffa ffrind, neu’n aros rhywle dros dro fel hostel, lloches nos neu wely a brecwast. Efallai eich bod yn byw mewn amodau gwael iawn neu rywle nad sy’n addas i chi na’ch teulu.

Os nad oes gennych le i alw’n gartref mae’n debygol eich bod yn profi ‘digartrefedd cudd’.

Gall rhywun rydych chi’n nabod fod yn profi, neu fod mewn perygl o brofi digartrefedd cudd. Mae sbardunau cyffredin yn cynnwys:

• Tor-perthynas diweddar
  Problemau teulonol
  Colli swydd
  Problemau iechyd corfforol neu feddyliol

Efallai bydd pobl sy’n ddigartref yn symud bob ychydig ddiwrnodau, er enghraiftt, o un ffrind i’r llall. Efallai eu bod yn gofyn am gymorth gydag arian neu’n defnyddio banc bwyd.

Mae’r rhai sy’n profi digartrefedd cudd yn fwy tebygol o fod mewn perygl o gael eu hecsbloetio. Er enghraifft, gallent gael eu targedu gan bobl sydd am roi pwysau arnynt i gyfnewid rhyw neu lafur di-dâl am do uwch eu pen.

Efallai y bydd rhai pobl yn troseddu yn y gobaith o gael eu cymryd i’r ddalfa.

Mae cysylltiad cryf rhwng digartrefedd a thlodi. Mae pobl ar incwm isel yn fwy tebygol o brofi pob math o ddigartrefedd.

Mae pobl ifanc sy’n gadael y system ofal, ynghyd â phobl sydd â phroblemau iechyd meddwl yn fwy tebygol o brofi digartrefedd cudd.

Ond nid ydym yn gwybod faint o bobl sy’n cael eu heffeithio gan ddigartrefedd cudd; nid oes unrhyw ystadegau. Mae union natur digartrefedd cudd yn mynnu ei bod yn amhosibl mesur maint y broblem yn iawn.

Siaradwch â nhw a dywedwch wrthynt am gael help cynghorydd cyn gynted ag y bod modd.

Efallai y gall cynghorydd eu helpu i ddod o hyd i lety addas a gall eu rhoi mewn cysylltiad â thîm digartrefedd y cyngor lleol.

Mae’n rhaid i’r cyngor roi help a chyngor i unrhyw un sy’n profi digartrefedd cudd ac efallai y bydd yn rhaid i’r cyngor ddarparu rhywle mwy addas iddynt aros wrth iddynt benderfynu pa gymorth arall y gallant ei roi.

Mae Shelter Cymru yma i’ch helpu chi. Gallwch gysylltu â ni trwy:

• ffonio ein llinell gymorth cyngor ar dai am ddim
• e-bostio un o’n cynhorwyr
• neu siarad â’n cynorthwy-ydd digidol Wyni a all eich helpu i ddod o hyd i’r cyngor sydd ei angen arnoch.

Gallwch hefyd anfon neges at ein cynghorwyr ar unwaith rhwng 10am a 2pm, o ddydd Llun i ddydd Gwener trwy agor y blwch sgwrsio yng nghornel chwith isaf y sgrin.

Shelter Cymru yw elusen pobl a chartrefi Cymru.

Rydym ni’n gweithio ar ran pobl sydd angen cartref drwy roi cyngor arbenigol, annibynnol am ddim ar dai ac rydym yn ymgyrchu i oresgyn y rhwystrau sy’n atal pobl yng Nghymru rhag cael cartref da a diogel.

Os ydych chi’n poeni am berson ifanc neu angen cyngor, defnyddiwch y botymau cyswllt uchod i gysylltu heddiw.