Gweithio gyda ni

Rydyn ni’n falch iawn eich bod yn ystyried ymuno â’r tîm yn Shelter Cymru.

Rydyn ni’n deall yr effaith ddinistriol y mae’r argyfwng tai yn ei hachosi ac yn gweithio ochr yn ochr â phobl bob dydd er mwyn delio â’r effaith niweidiol y mae’n ei chael ar eu bywydau.

Ar hyn o bryd rydyn ni’n cyflogi gweithlu cyflogedig o dros 100 o bobl ledled Cymru a nifer cynyddol o wirfoddolwyr. Gyda’r mathau o wasanaethau a chefnogaeth rydyn ni’n eu cynnig a’n hagenda ymgyrchu a lobïo, mae ein swyddi yn gyfle i wirfoddoli neu i ddilyn gyrfa mewn maes heriol ond un sy’n rhoi llawer o foddhad.

Fe welwch fod pobl ymhob rhan o Shelter Cymru yn credu’n angerddol yn yr hyn maen nhw’n ei wneud, yn gwerthfawrogi ein credoau a’n gwerthoedd, ac yn awyddus i wneud gwahaniaeth. Rydyn ni’n credu mai cartref yw popeth, a dydyn ni byth yn rhoi’r gorau iddi.

Mae pobl yn teimlo bod gweithio i Shelter Cymru yn fwy na dim ond swydd. Maen nhw’n rhan o dîm clos sy’n darparu cymorth i’r rhai sydd ei angen, ac sy’n ymdrechu’n gyson i gyflawni newid.

Felly dewch i ymuno â’r frwydr am gartref a dod yn rhan o dîm Shelter Cymru!

• Pecynnau gwyliau blynyddol hael

  Rydyn ni’n gweithredu cynllun pensiwn rhanddeiliaid cyfrannol a byddwch yn cael eich cofrestru’n awtomatig ar y cynllun o ddiwrnod cyntaf eich cyflogaeth cyn belled â’ch bod yn bodloni meini prawf penodol.

• Pensiynau

  Rydyn ni’n gweithredu cynllun pensiwn rhanddeiliaid cyfrannol a byddwch yn cael eich cofrestru’n awtomatig ar y cynllun o ddiwrnod cyntaf eich cyflogaeth cyn belled â’ch bod yn bodloni meini prawf penodol.

• Cydbwysedd bywyd teuluol a gwaith

  Rydyn ni wedi ymrwymo i’ch helpu i sicrhau cydbwysedd rhwng bywyd a gwaith, ac mae’r pecyn a gynigir yn cynnwys cyfleoedd gweithio hyblyg, pecynnau absenoldeb teuluol hael, gan gynnwys absenoldeb mamolaeth, absenoldeb mabwysiadu, absenoldeb tadolaeth ac absenoldeb rhiant, ynghyd ag absenoldeb gofalwr ac absenoldeb tosturiol.

• Llesiant staff

  Rydyn ni’n cydnabod bod ein gweithwyr yn chwarae rhan allweddol wrth ddarparu’r gwasanaethau rydyn ni’n eu cynnig ac felly rydyn ni’n dewis dilyn dull rhagweithiol ac ymgysylltiol o wella iechyd a llesiant ein staff. Rydyn ni wedi ymrwymo i sicrhau bod staff yn cael y gefnogaeth gywir pan fyddan nhw ei angen ac rydyn ni wedi sefydlu polisïau a gweithdrefnau effeithiol i gefnogi iechyd a llesiant ein gweithwyr:-

  Tâl Salwch Galwedigaethol
  Rydyn ni’n cynnig tâl salwch galwedigaethol hyd at uchafswm o 22 wythnos o gyflog llawn a 22 wythnos o hanner cyflog ar ôl pum mlynedd o wasanaeth.

  Rhaglen Cymorth i Weithwyr
  Rydyn ni’n cynnig Rhaglen Cymorth i Weithwyr sydd ar gael 24/7 er mwyn i staff allu cael gafael ar gyngor, cymorth ac arweiniad cyfrinachol ar ystod eang o faterion, ynghyd â mynediad at gymorth cwnsela strwythuredig.

  Profion golwg
  Rydyn ni’n darparu talebau ar gyfer prawf llygaid am ddim gyda Specsavers i staff cymwys sy’n gweithio mewn rôl sy’n golygu defnyddio VDU yn rheolaidd.

• Cefnogi eich datblygiad

  Mae Shelter Cymru wedi ymrwymo i ddatblygu polisïau sy’n cefnogi datblygiad gweithwyr:-

  Cynllun Datblygu Staff
  Rydyn ni’n annog staff a allai fod â diddordeb mewn dilyn cwrs sy’n berthnasol i’w rôl i wneud cais am amser i ffwrdd ar gyfer astudio neu gymorth gyda ffioedd y cwrs.

  Grow Your Own
  Mae ein polisi mewnol Grow Your Own yn rhoi cyfleoedd i gydweithwyr ddatblygu sgiliau newydd mewn gwahanol rolau yn y sefydliad.